പരിശീലനങ്ങൾ ഇംഗ്ലീഷ് നൊടെഷൻ

കഴിഞ്ഞ പോസ്റ്റിൽ കൊടൂത്ത പരിശീലനങ്ങൾ  ഒന്നു കൂടി വിശദമായി നോക്കാം

വലതു കൈ കൊണ്ട്

സാ ാ  രി ഗ മ പ ധ നി
സ  നി ധ പ മ ഗ രി സ

എന്നു വായിക്കുന്നത് ഇംഗ്ലീഷ് നൊടെഷൻ എഴുതിയിരിക്കുന്നത് നോക്കുക
പടം -

ഈ പടം പ്രിന്റ് എടുത്ത് അതു നോക്കി വായിക്കുക.

അപ്പോൾ സ്വരങ്ങളും ഇംഗ്ലീഷ് നോട്സും ഒരുമിച്ച് ഹൃദിസ്ഥമാകും

രണ്ടാമത്തെത്
രീ  ീ  ഗ  മ  പ  ധ  നി  സ
രി  സ നി  ധ  പ  മ  ഗ   രി
പടം -

ഈ പടം പ്രിന്റ് എടുത്ത് അതു നോക്കി വായിക്കുക.
ഇനി അങ്ങോട്ട് പടങ്ങൾ നോക്കി മനസിലാക്കൂ എന്നിട്ട് വായിച്ച് ആസ്വദിക്കൂ

സി മേജർ സുന്ദരമായ പരിശീലനം

സി മേജർ സ്കെയിൽ രണ്ട് ഒക്റ്റേവുകൾ വലതു കൈ കൊണ്ട് വായിക്കുന്ന രീതി പഠിച്ചു അല്ലെ.

അതിലെ വേല തന്നെ ഇടതു കൈ കൊണ്ടും പരിശീലിക്കുക

ഇടതു കൈക്കും ഇതെ ക്രമം തന്നെ

തള്ളവിരൽ  =1
ചൂണ്ടു വിരൽ =2
നടൂവിരൽ = 3
അണിവിരൽ = 4
ചെറുവിരൽ =5

അപ്പോൾ വലതു കൈ കൊണ്ടു വായിച്ചതു തന്നെ തലതിരിച്ച് ഇടതു കൈ കൊണ്ട് വായിക്കാം

അതായത്

5    4    3    2    1      3      2    1     4    3    2    1    3      2        1
സ രി   ഗ   മ   പ    ധ    നി  സ  രി   ഗ    മ   പ  ധ   നി     സ

1     2    3    1     2    3    4     1     2    3    1     2    3    4      5

സ  നി  ധ  പ    മ  ഗ    രി   സ  നി  ധ   പ   മ   ഗ   രി    സ

ഇത്രയും ആയാൽ  രണ്ടു കൈകൾ കൊണ്ടും ഒരേ സമയം ഇതു വായിക്കാൻ ശീലിക്കുക


അതു കഴിഞ്ഞാൽ  ഈ സ്വരങ്ങൾ തന്നെ അല്പം കൂടി രസമുള്ള രീതിയിൽ വായിക്കാം. ഈണവും താളവും വരുമ്പോൾ പഠിക്കാനും രസം ഉണ്ടാകും അല്ലെ?

എങ്കിൽ ഇതിനെ ഒന്നു പരിഷ്കരിക്കാം

ആദ്യം ഒരു ഒക്റ്റേവ് മാത്രം വായിച്ചിട്ട് അതിന്റെ അവസാനം  ഓരോ സ്വരം കൂട്ടുകയും ആദ്യത്തെ ഓരോ സ്വരം കുറയ്ക്കുകയും ചെയ്യുന്ന വേല

അങ്ങനെ ചെയ്യുമ്പോൾ ഈണം കിട്ടാൻ വേണ്ടി ആദ്യം മുകളിലേക്കു പോകുമ്പോൾ ഏഴു സ്വരം വായിക്കും, തിരികെ വരുമ്പോൾ 8 സ്വരങ്ങൾ വായിക്കും

സാ ാ രി ഗ മ പ ധ നി  -- എന്ന് മുകളിലേക്കും
സ നി  ധ പ മ ഗ രി സ  -- എന്ന് താഴേക്കും

ആദ്യത്തെ സ എന്ന സ്വരം ഒന്നു നീട്ടി രണ്ട് സ്വരങ്ങളുടെ അത്രയും സമയം വായിക്കണം.

അടുത്തത്

രീ  ീ  ഗ  മ  പ  ധ  നി സ
രി  സ നി  ധ  പ  മ  ഗ  രി

ഇതിൽ രി എന്ന സ്വരം രണ്ടു സ്വരങ്ങളുടെ അത്ര സമയം നീട്ടി തുടങ്ങിയിട്ട് മുകളിലത്തെ സ വരെ പോകുന്നു തിരികെ വരുന്നത് മുകളിലത്തെ രി യിൽ നിന്ന് തുടങ്ങി താഴത്തെ രി വരെ

ഈ ക്രമത്തിൽ

ഗാ  ാ  മ  പ  ധ  നി  സ  രി
ഗ  രി  സ  നി  ധ  പ  മ   ഗ

മാ  ാ  പ  ധ  നി  സ  രി  ഗ
മ  ഗ  രി  സ  നി  ധ  പ   മ


പാ ാ  ധ  നി  സ  രി  ഗ  മ
പ  മ  ഗ   രി  സ  നി  ധ  പ


ധാ  ാ  നി  സ  രി  ഗ  മ  പ
ധ  പ   മ   ഗ  രി  സ നി  ധ

നീ  ീ   സ  രി  ഗ  മ  പ  ധ
നി  ധ   പ  മ  ഗ  രി  സ  നി

ഇത്രയും ആയാൽ  ഇനി താഴേക്കു പോരാനുള്ള അവസാനത്തെ വരിയിൽ താളം തികക്കാൻ വേണ്ടി ഒരു പ്രയോഗം അതായത് അതിൽ ഒരു വരിയെ വായിക്കൂ  പിന്നീട് നാലു മാത്ര സമയം വെറുതെ അവസാന സ്വരം നീട്ടണം

സാ ാ  രി  ഗ  മ  പ  ധ  നി 
സാ ാ  ാ  ാ ാ

ഇതോടു കൂടി മുകളിലേക്കുള്ള യാത്ര അവസാനിച്ചു

ഇനി താഴേക്ക്

സാ ാ നി  ധ പ മ ഗ രി  -- എന്ന് താഴേക്കും
സ  രി ഗ  മ  പ ധ നി സ  -- എന്ന് മുകളിലേക്കും

രീ  ീ  സ നി  ധ  പ  മ  ഗ
രി  ഗ  മ  പ  ധ  നി  സ  രി

ഗാ  ാ  രി  സ  നി  ധ  പ  മ
ഗ    മ  പ  ധ  നി  സ  രി  ഗ

മാ  ാ ഗ  രി  സ  നി  ധ  പ
മ   പ  ധ  നി  സ  രി  ഗ  മ


പാ ാ മ  ഗ   രി  സ  നി  ധ
പ  ധ  നി  സ  രി  ഗ  മ  പ


ധാ  ാ   പ   മ   ഗ  രി  സ നി
ധ  നി   സ   രി   ഗ  മ  പ  ധ

നീ  ീ  ധ   പ  മ  ഗ  രി  സ
നി  സ  രി  ഗ  മ  പ  ധ  നി

സാ ാ  നി  ധ  പ  മ  ഗ  രി
സാ ാ  ാ  ാ

ഈ അവസാനത്തെ നാല് മാത്രയും  ഇടക്ക് നീട്ടിയ നാലു മാത്രയും ചേർന്ന് താളത്തിന്റെ എട്ടു മാത്രകളും പൂർത്തി ആയി


താളമിട്ട് വായിച്ച് രസിക്കുക

സി മേജർ പഠിച്ചു കഴിഞ്ഞാൽ ഇതു തന്നെ മറ്റ് മൂന്ന് സ്കെയിലിലും കൂടി എങ്ങനെ വിരലുകൾ ഓടിക്കണം എന്ന്  പറഞ്ഞു തരാം

സി മേജർ രണ്ട് ഒക്റ്റേവുകൾ

അങ്ങനെ മദ്ധ്യവേനലവധി ഒക്കെ കഴിഞ്ഞു.
കുട്ടികൾ ഒക്കെ എത്തിയല്ലൊ അല്ലെ?

പഴയ പാഠങ്ങൾ ഒക്കെ നന്നായി പഠിച്ചു അല്ലെ?

ഇനി പുതിയവ പഠിക്കാൻ സമയം ആയി

നമ്മൾ മുൻപ് ആകെ ഒരു  ഒക്റ്റേവു വായിക്കാൻ ആയിരുന്നു ശീലിച്ചത് അല്ലെ?

അതായത് സ രി ഗ മ പ ധ നി സ ഇത്രയും മാത്രം

എന്നാൽ പാട്ട് ഒരു  ഒക്റ്റേവിൽ ഒതുങ്ങുക ഇല്ലല്ലൊ, അത് മുകളിലേക്കോ താഴേക്കൊ ഒക്കെ പോകും അല്ലെ

അതിനാൽ രണ്ട് ഒക്റ്റേവുകൾ തുടർച്ചയായി മേലോട്ടും താഴോട്ടും എങ്ങനെ ആണ് വായിക്കേണ്ടത് - അതിനു വിരലുകൾ സൗകര്യമായി എങ്ങനെ ഉപയോഗിക്കാം എന്നു നോക്കാം

ഇത് ഒരു കൃത്യമായ നിയമം അല്ല

അവനവന്റെ സൗകര്യം എന്തൊ അതാണ് പ്രധാനം

എന്നാലും പലരും ഉപയോഗിച്ച് സൗകര്യപ്രദം എന്നു കണ്ട രീതി ആദ്യം പരീക്ഷിക്കാം

വലതു കൈ കൊണ്ട് വായിക്കുമ്പോൾ ആദ്യം പഠിച്ചത്

വിരലുകളുടെ ക്രമം -
സ രി ഗ മ പ ധ നി സ  എന്നത് 1 - 2 - 3 - 1 - 2 - 3 - 4 - 5
എന്നായിരുന്നു അല്ലെ?

വലതു കയ്യുടെ തള്ളവിരൽ = 1
ചൂണ്ടു വിരൽ = 2
നടൂവിരൽ = 3
അണീവിരൽ = 4
ചെറുവിരൽ =5

ഈ ക്രമം ഓർമ്മയുണ്ടല്ലൊ അല്ലെ


അപ്പോൾ നടുവിരൽ കഴിഞ്ഞാൽ തള്ളവിരൽ അടിയിൽ കൂടി ക്രോസ് ഓവർ ചെയ്യുക

ഇതായിരുന്നു ആദ്യം ചെയ്തത്

എന്നാൽ രണ്ട് ഒക്റ്റേവുകൾ വായിക്കണം എങ്കിൽ ചെറുവിരൽ ആദ്യം ഉപയോഗിക്കരുത്

അതായത് നാം ഒരു പുതിയ നിയമം കൊണ്ടുവരുന്നു - ചെറുവിരലിന്റെ ഉപയോഗം മുകളിലേക്കു പോക്കിന്റെ അവസാനം മാത്രം, അല്ലെങ്കിൽ താഴേക്കു പോരുന്നതിന്റെ ആദ്യം മാത്രം,

ഇനി സി മേജർ രണ്ടു ഒക്റ്റേവു വായിക്കുമ്പോൾ വലതു കയ്യൂടെ വിരലുകൾ ദാ ഇങ്ങനെ ഉപയോഗിച്ചുനോക്കൂ

1 -  2  - 3 - 1 - 2  - 3 - 4   - 1 - 2 - 3 - 1 - 2  - 3 -  4   - 5
സ  രി  ഗ   മ   പ  ധ   നി  സ  രി  ഗ   മ   പ  ധ  നി   സ

ഇനി ഇതേ ക്രമത്തിൽ പിന്നിലേക്കും വായിക്കൂ

5 - 4 - 3 - 2 - 1 - 3 - 2 - 1 -  4 - 3 - 2 - 1 - 3 - 2 - 1 
സ നി ധ പ  മ   ഗ  രി  സ  നി  ധ  പ  മ   ഗ  രി  സ
തുടരും